影片
更多
2013-03-08
336 浏览
舊同事生日 , 要搵一個坐得舒服 , 靜靜傾下偈o既地方共進晚飯 ,講真 ... 有 d 難度 @@ , openrice 打量一返後 , 搵黎呢間蒲和 , 賣點係不限時放題 , 有刺身又有得打邊爐 , 同埋生日有野送 ^^地點o係荃灣力生廣場 , 好近地鐵站好方便好易搵 , 上到去攞位時同帶位o既女店員講想坐個靜 d o既位 , 於是有個經理帶左我地去睇兩個類似廂房o既座位比我地揀相當細心 , 我地最後揀左近門口有電視o個間 , 寬敞舒適黎之前睇過 d 食評 , 見到好幾個大讚服務o既 post , 難免令人起疑 , 今日到來親身感受 , 果然有別於一般放題我地坐低左 , 剛才o係門口o個位女店員就過黎講解 order 方法除左點心紙形式之外 , 呢度有本圖文並i茂放題 menu ,其中有一張 order 紙就係比你跟返 menu 入面食物編號黎填女店員仲提題我地枱面上o個碗係天婦羅汁而唔係豉油 , 蠻有趣的 =)o係我地揀緊野食之時 , 店員送上一份刺身拼盆 , 然後主動的向我地介紹有咩飲品 , 幫我地落單 , 除左普通汔水啤酒之外 , 呢度連梅酒清酒都係任飲 , 好抵 !!1.
講真 ... 有 d 難度 @@ , openrice 打量一返後 , 搵黎呢間蒲和 ,
賣點係不限時放題 , 有刺身又有得打邊爐 , 同埋生日有野送 ^^
地點o係荃灣力生廣場 , 好近地鐵站好方便好易搵 ,
上到去攞位時同帶位o既女店員講想坐個靜 d o既位 ,
於是有個經理帶左我地去睇兩個類似廂房o既座位比我地揀
相當細心 , 我地最後揀左近門口有電視o個間 , 寬敞舒適
黎之前睇過 d 食評 , 見到好幾個大讚服務o既 post , 難免令人起疑 , 今日到來親身感受 , 果然有別於一般放題
我地坐低左 , 剛才o係門口o個位女店員就過黎講解 order 方法
除左點心紙形式之外 , 呢度有本圖文並i茂放題 menu ,
其中有一張 order 紙就係比你跟返 menu 入面食物編號黎填
女店員仲提題我地枱面上o個碗係天婦羅汁而唔係豉油 , 蠻有趣的 =)
o係我地揀緊野食之時 , 店員送上一份刺身拼盆 ,
然後主動的向我地介紹有咩飲品 , 幫我地落單 ,
除左普通汔水啤酒之外 , 呢度連梅酒清酒都係任飲 , 好抵 !!
1. 刺身
刺身樣樣都唔錯 , 幾位朋友都特別欣賞那甘甜豐腴o既甜蝦 , 我地問經理無得任食咁可唔可以另外加錢叫 , 經理話成本價加 $6/1
都算合理丫 , 加左甜蝦 , 另外再叫左轉三文魚刺身 ,
上枱時嚇左一嚇 , 超肥美o既三文魚腩呀 , 入口半溶帶爽滑o既質感 , 正 !!
其他任食o既刺身包括有 :
~ 白玉豚 : 口感軟綿 , 少少腥同時帶有少少酸味
~ 榮螺 : 好爽好彈牙 , 好濃好鮮甜o既螺味 , 唔錯
~ 八爪魚 : 同樣爽軟彈牙不過韌
~ 布靈魚 : 魚子跟魚肉比例佳 , 好味 !!
~ 象拔蚌 : 爽甜但有少少 " 壓 "味
2. 卷物
~ 火龍卷 : 普通三文魚卷加一片火龍果而已~ 吉列炸蠔反卷 : 炸蠔唔多覺 ... 淨係食到炸粉 ><"
~ 香芒海中寶卷 : 芒果幾香甜 , 海中寶我以為係蝦原來係三文魚
~ 芝麻秋刀卷 : 呢個幾香口 , 唔會腥 , 加 d 鰻魚汁仲正
3. 天婦羅
~ 日本南瓜 , 蕃薯 : 夠甜不過有少少生 , 唔夠粉~多春魚 : 肥o都o都漲卜卜 , 好多春好好味
~海老 : 放題黎講算幾大隻 , 而且肉質爽且實 , 唔錯
~茄子 : 太厚身 , 藏住好多油 , 因為個汁偏淡 , 食落無乜味
4. 火鍋
~ 叫左地獄湯底 , 陣陣韓式泡菜味, 濃郁得黎唔會太咸或太辣幾適合淥娃娃菜食 , 湯底跟一份拼盆 , 都有幾多野食 , 唔使再單點
牛肉不過不失 , 其他有金菇 , 豆腐 , 冬菇 , 無乜特別 ,
係有一份好似薯粉咁o既面條 , 叫做葛絲 , 煙煙韌韌的
5. 和食料理
~ 一口和牛粒 : 一份o既份量都幾好 , 黑椒味幾香口 , 牛粒唔會過韌
~ 芝士焗蠔 : 沙律醬鋪滿整個蠔殼 , 無芝士味可言 , 粒蠔亦只係一般
~ 黃金炸蟹鉗 : 真係好黃金 , 炸到勁脆 , 但味道無特別 , 可以唔使叫~ 棒棒餃子 : 同樣炸到漲卜卜 , 個皮好薄 , 個餡都 ok
~ 吉列炸蠔 : 同平時食到o既有少少唔同 , 炸粉好鬆化 , 蠔味濃
~ 燒粟米 : 燒得幾靚 , 好香牛油味 , 粟米亦香甜~ 燒魷魚鬚 : 係細細隻o個 d 魷魚仔o既鬚 , 一試無妨
~ 燒三文魚頭 : 好大個好肥美 , d 肉又厚 , 非常之正 !!
6. 甜品~ 泡芙 : 中間 d 吉士雪硬左 , 好似雪糕咁 , 好好味 , 食左一大碟
~ 生日雪糕贈品 : 三球芝麻雪糕 , 加三粒荔枝雪米糍 , 唔靚都唔好食
## 我地幾個八點幾坐到十一點 , 走o既時侯經理仲教我地去搭電梯總括黎講食物大致上唔錯 , 服務就真係好過其他放題店 ,
店員真係會經常埋枱 , 會主動 refill 飲品 , 收碟同撿走枱面垃圾
平時o個時風一樣咁飄過放低碟野就閃走 , 呢度就無咁o既情況
张贴
