串燒屋 (已結業)

再次黎食過⋯今次已經約好多朋友一齊黎食，因為有朋友生日！因上次黎食時比較熱，今次已經打電話問可否比啲位涼爽啲，佢哋話可以，之後再同我講因之前冷氣溫度唔夠所以已經加多部風扇⋯⋯之後我到左入座但啲朋友未到我就點左我喜歡食嘅麻辣雞翼食到朋友到之後再叫啲燒蠔、青口、秋刀魚嗰啲黎燒，咁店員問我地話有冇Facebook？我地一定有啦⋯⋯佢話分享一下佢地串燒屋就可以有送扇貝，我地分享完之後就問下佢生日有冇野送佢就問個經理，之後就同我地講（經理話公司冇做呢啲活動，但經理話當自己送一份扇貝比你地。）下次有朋友生日時再黎