校長燒肉日韓料理 (沙咀道) (已結業)

之前聽朋友介紹荃灣有間好正的放題，今日咁啱係荃灣一於去試下！去到門口已經見到好多人排隊等入座，好在之前朋友介紹時有講分左時段食，所以預好左時間去攞位。同平時食開嘅放題唔同嘅就係落單店員再取食物過嚟，但呢間全部都以自助形式，自己鐘意食咩就攞咩幾特別☺入到去已經見到好多食物擺晒出嚟，而且種類都幾豐富，有前菜、熟食、烤肉、甜品等等😋食物可以韓燒亦可火鍋，好多肉類都腌製過新鮮嫩滑，味道非常之入味👍🏼食到飽飽地門口仲有部公仔機可以夾公仔🧸，大人細路都啱玩。今次朋友果然無介紹錯，食完有好滿足嘅感覺😊