聚興家

营业中

休息中

太子大角咀一帶好多小菜館，試多幾間，好多時會意想不到既驚喜。聚興家拎過米芝蓮，價錢都偏貴，不過朋友聚會可以多食幾款！🔸紅燒乳鴿，上枱就正常，但一咬就知係正野！上手溫度仲好熱，外皮好輕薄但脆，係酥脆個種感覺，裡面啖啖肉而且無論髀位定翼位既肉都好嫩，食完意猶未盡，必點！🔸花甲蒸蛋，賣相靚，花甲每粒都大隻，蛋做得比一般蒸蛋滑，好似雞蛋羹咁，搞到花甲都變做陪襯🤣。 🔸菠蘿生炒骨，就一般般，有拉絲既感覺，不過冇乜肉食。🔸新鮮鹽焗雞，真係要值得一讚，除咗夠鹹香仲要非常之滑溜，連雞胸都唔會鞋口，正👍 🔸豉椒鮑魚片煎米粉，本身應該係聖子炒嘅，但果日咁岩無哂，我地就問有無其他海鮮，結果叫左四隻鮑魚，切片，配煎米粉。火候剛剛好，唔會煙靭，反而米粉唔係煎而係攞去炸，太過脆口，失去煎米粉外脆內軟嘅口感，同埋有啲薄。🔸聚興家小炒王，佢用蒜芯炒，好味過一般用韮菜花，爽口，有驚喜。🔸金銀蛋時菜，純粹有樣濕下口，菜類健康啲，都好有鑊氣🔸最後上一個砂鍋炒飯，好好填飽肚，好味，熱辣辣一行六人，食到飽飽了價錢一人300幾，都算係試下，勝在碟頭大，都偏貴。