影片
更多
2023-03-07
47 浏览
粗店燒烤呢一間係喺豉油街嘅地舖，專門食燒烤，經過門口真係好香！又因為疫情好耐無番過大陸食串串燒烤，就來食啦～ 雖然係一間燒烤店，但又唔會好大浸油煙或者好污糟嘅感覺，整體來講裝修幾新穎同乾淨，坐嘅地方都好闊落！一坐低店員首先會幫你加辣椒粉同埋孜然粉，咁你一陣食串燒嘅時候就可以根據自己嘅喜好再加調味料，同埋枱上面有一個長方形嘅木盤，下面會有兩個小小嘅酒精燈，店員點火之後跟住塊板就會有保溫嘅效果，一陣就會放啲串燒上去～ 燒烤方面：叫左羊肉串 $28、雞中翼$24、雞腎$24、烤茄子🍆$42、土豆🥔片$14、虎皮尖椒$16肉就一定要叫，如果本身食羊肉嘅話我都幾建議食羊肉串，因為佢肥瘦適中，唔會乾柴，羊肉燒完逼出嚟嘅油脂好香好有滿足感，食落唔會有膻味亦都唔會韌！雞翼個皮燒至微焦，一咬落去脆卜卜，入面唔會乾，加埋孜然粉嘅味道非常之夾！蔬菜方面一定要叫青椒🫑，虎皮尖椒燒得岩岩好，燒完會有甜味！微辛嘅感覺加埋羊肉食都幾夾，唔怕辣可以叫啊！茄子🍆原條切開兩半上，加埋上面滿滿嘅蒜蓉辣椒蔥，用叉輕輕一勾食落一疏疏，軟綿綿，好多汁！另外仲加左錫紙卜卜蜆 $56，卜卜蜆全部都開殼，唔會有唔新鮮嘅情況，滿滿湯汁，
呢一間係喺豉油街嘅地舖，專門食燒烤，經過門口真係好香！又因為疫情好耐無番過大陸食串串燒烤，就來食啦～ 雖然係一間燒烤店，但又唔會好大浸油煙或者好污糟嘅感覺，整體來講裝修幾新穎同乾淨，坐嘅地方都好闊落！
一坐低店員首先會幫你加辣椒粉同埋孜然粉，咁你一陣食串燒嘅時候就可以根據自己嘅喜好再加調味料，同埋枱上面有一個長方形嘅木盤，下面會有兩個小小嘅酒精燈，店員點火之後跟住塊板就會有保溫嘅效果，一陣就會放啲串燒上去～
燒烤方面：叫左羊肉串 $28、雞中翼$24、雞腎$24、烤茄子🍆$42、土豆🥔片$14、虎皮尖椒$16
肉就一定要叫，如果本身食羊肉嘅話我都幾建議食羊肉串，因為佢肥瘦適中，唔會乾柴，羊肉燒完逼出嚟嘅油脂好香好有滿足感，食落唔會有膻味亦都唔會韌！雞翼個皮燒至微焦，一咬落去脆卜卜，入面唔會乾，加埋孜然粉嘅味道非常之夾！
蔬菜方面一定要叫青椒🫑，虎皮尖椒燒得岩岩好，燒完會有甜味！微辛嘅感覺加埋羊肉食都幾夾，唔怕辣可以叫啊！茄子🍆原條切開兩半上，加埋上面滿滿嘅蒜蓉辣椒蔥，用叉輕輕一勾食落一疏疏，軟綿綿，好多汁！
另外仲加左錫紙卜卜蜆 $56，卜卜蜆全部都開殼，唔會有唔新鮮嘅情況，滿滿湯汁，食蜆嘅時候用手拎起一面，咁啲湯汁可以連埋蜆一齊食，配搭胡椒嘅味道好開胃，又唔會過分重口味掩蓋左海鮮嘅鮮味！
小食就叫左椒鹽魷魚鬚$38，呢個就偏台式味道，唔似平時港式大排檔嘅做法，調味不錯！朋友去邊度都要食嘅炸饅頭$18，外脆內軟加埋煉奶無得輸！
最勾起以前返大陸食嘅就係麻辣燙$48，入面有好多料，食串燒比較乾身嘅時候可以叫埋來一齊食，有菜、芽菜、豆卜、豬紅、鵪鶉蛋等等都幾豐富，味道冇想像中咁辣，唔飲嘢食都冇問題！入面仲有薯粉吸晒啲汁好食！如果菜單上面可以寫埋有乜嘢材料就更加好啦！
主食我地都叫左一個粗涼麵$48，涼面口感好好面唔會過完掃晒啲調味料上面鋪滿蛋絲、蘿白絲、青瓜、芝麻等等，口感清爽豐富，配合串燒重口味嘅燒物嚟講都幾唔錯！
兩個人食到十分之飽，最後$400唔使🤣， 有種好似疫情前返大陸食串燒嘅感覺，同埋最貼心嘅真係有烤盤保溫，咁就可以一邊食一邊慢慢傾，因為一凍軟左口感真係差好多，坐得舒服唔會同隔離台太近，一班人想傾吓計食下野都幾推薦！
张贴
