茶餐廳2.0 (已結業)

朋友曾經提過呢間茶餐廳幾好食，咁我今日喺愉景新城，咁岩係午餐時間，就行過去試吓。餐廳好似幾注重衛生喎，因為餐具用膠袋嵌住晒，再睇吓餐具本身同四周環境，又似乎一般般咋喎😳叫咗「馬來咖喱牛筋腩飯」午餐，好快就嚟到。「牛筋腩飯」我諗住係牛筋加牛腩，但係成碗裏邊只有一嚿牛腩，五、六嚿牛筋，全部細細嚿，味道可以。咖喱汁好少，唔係好夠撈飯😳。洋蔥生到帶微辣，好彩我唔怕食生洋蔥🤣，洋蔥越生體積越大，點解會煮得咁生呢🤔。薯仔就有好多件。奶茶唔香又唔滑😳總體非常一般；可能朋友老點😅，亦可能我食唔中佢啲好嘢。