濟州燒肉食堂

营业中

休息中

今日放假同朋友黎北角咁岩見到之前朋友介紹嘅濟洲燒肉本身1200打電話想book位打左幾次都無聽。星期六1400時黎到，唔算多人我地攞籌係第5個，等左大概15分鐘就入坐，咁岩坐到卡位，對住公園景，景觀都開揚。一就坐就見到兩個杯有d油跡同個夾都有污跡，就叫職員換咗。點完餐上餐都快，唔使十分鐘就上齊。前菜有泡菜同芽菜，留意兩樣都可以任添任食。我同朋友鐘意食泡菜，叫左四轉。我叫左金寧燒肉餐加荔枝梳打（$168+8），食落新鮮無雪味，醃到剛剛好，夾住生菜🥬放落好，味道剛剛好，個人食法：一塊生菜夾一舊沾滿醬嘅肉再放一塊泡菜。😛😛😛生菜都係可以任添任食❤️荔枝梳打有d甜（唔記得叫少甜）🤪朋友就叫左鰻魚飯套餐加青檸梳打（$88+8），試左一啖，唔腥加鰻魚都肥美。😋最後食左爐邊蛋，無驚喜🙂同煎蛋無分別。服務態度，要佢添配菜時黑口黑面，叫極都唔上。最後埋單$272唔使加一服務費。