彌敦左岸

营业中

休息中

同事提議放工去happy hour，鍾意湊熱鬧既我緊係跟埋去啦。我地嚟到位於尖沙咀既彌敦左岸，餐廳有兩層，樓上樓下都有大電視，鍾意睇波既朋友，呢到就岩晒啦。原來逢星期二、星期四至六有Live-band 表演，現場氣氛好正。左岸特色烤肉拼盤：包括烤西班牙豬助骨、美式和牛胸肉、烤黄油雞、墨西哥辣味香腸、牛肉香腸、手撕豬肉、椰菜沙律、烤粟米、特色烤肉醬汁。烤西班牙豬助骨：外焦內嫩，醬汁調味適中。美式和牛胸肉：口感juicy，入口即化，肉質帶油花。烤黄油雞：口感嫩滑多汁，雞皮烤到酥脆，連皮食都得。墨西哥辣味香腸：微煙燻既味道，口感彈牙。手撕豬肉：手撕雞就食得多啦，手撕豬肉唔係成日食，味道甜甜辣辣，口感唔錯。烤粟米：表面牛油在外面，食落咸中帶甜。整體環境氣氛好好，食物質量唔錯，可以一邊食野，一邊睇live band表演，真係一個聚腳既好地方。