明日花 (已結業)

天氣開始無咁熱，又係開始可以坐喺街邊食飯飲酒吹水嘅時間喇。 唔呃人嘅， 當初有留意到呢間餐廳，絕對係因為行經附近被佢嘅店名吸引到～ 佢嘅位置係喺巷口，本身餐廳係無入內嘅座位嘅，只有少量室外座位，店員另外開左一張摺枱畀我地，都好耐無坐喺街邊食飯，一邊坐喺度一邊望住天慢慢黑， 有人放狗有人去打波有人去跑步咁，其實都幾 chill。食物方面，主要係日式嘅串燒，價錢唔貴，質素亦絕對對得住個價，試左佢地好多唔同嘅野食， 其中 例如：多春魚、牛舌芯、燒白鱔、燒牛柳 同啲 炸物 等等 都做得幾好，送酒一流。 酒除左帶左清酒，仲帶左挪威酒廠 Amundsen Brewery 嘅黑啤 “Cool Beans” 本身串燒比較濃味襯返啲濃味嘅啤，加埋濃厚嘅黑啤 室溫飲都絕對無問題，咁就坐街食都唔怕啦~ 過多個零月， 再涼啲，又帶酒去再 chill 下~