池記 (已結業)

出咗地鐵口就到喇，不過覺得有D貴咯，朝早係添好運飲個茶食咗唔少點心都卑呢度平吖，不過入咗來都試下喇，畢竟呢度都幾出名嘅！雲吞麵，好細吖，乜嘢都細，碗好細，麵好細，雲吞好細，雲吞都幾可以吖，出邊嘅皮好柔軟好滑嫩，裡邊嘅蝦好彈牙，調味啱啱好。麵無我想象中嘅咁好味，可能係我對佢期待都幾高喇，其實係仲過得去嘅。菠蘿叉燒包，其實我係想試下同添好運嘅酥皮叉燒包又乜唔同喇，皮都算酥脆，不過覺得呢度嘅叉燒比較甜，我唔係幾鐘意咯。薏米水姜味濃到乜咁，我係一d都唔鐘意喇，不過人地對胃好吖，我最近食得有d寒，所以係要飲下呢嘅養下胃個喇。