翡翠拉麵小籠包 (已結業)

同女友+屋企人一行六人去食晚飯, 因為之前太古城, 銅鑼灣, 海港城既分店都試過, 覺得好正, 所以難得沙田咁近開左, 梗係要去試下,,,,,,,,,,點知就會黎有d失望既感覺, 小籠包味道ok, 皮亦都算薄, 但感覺無其他幾間咁好食. 清雞湯麵比較咸唔夠清. 糖醋魚柳味道唔錯, 但略嫌有少少腥(女友覺得), 最出色既應該係生煎包同鍋貼, 煎得好, d肉汁亦都好正, 絕對值得一試. 令外我地仲叫左水餃, 炒回鍋肉同炸銀絲卷, 都係普普通通無咩特別, 埋單$460, 其實都算幾抵食. 而且因為沙田區依一類菜式而又突出既餐廳無幾多間, 所以縱使有d失望, 但都一定會再黎試, 希望下次會有所改善啦.