Rice Paper (已結業)

今次巳經是第2次嚟,每次都會叫越南蒸粉包,都幾好味,叫咗個燒雞龍蝦沙律,同西式沙律好唔同,酸酸地,夾集着有雞肉、龍蝦肉、西柚、柑、荀片,幾特別吓咁,西柚最好味,好香!龍蝦肉太淡,應該係急凍嘅,其他嘢ok啦,令外生牛肉湯河d湯幾夠味,也想不到新派越菜也有此水準湯底,蝦米葱花紙米卷就差d,淡而無味,醬汁又太重椰汁味,最後福建炒米粉,炒得夠乾身,都合格啦!不過價錢就一定唔會平,係尖沙咀區差唔多啦!