聚滿庭京川滬名菜 (已結業)

本人一向都好鐘意食京川滬菜，而且個飯腳又有張快到期的coupon，可以半價要一個拼盤，咁梗係唔好浪費啦！雖然經常會到西九龍中心，但呢間野係第一次去，幾喜歡佢既裝修，加上有梳化位坐，印象分都加唔少。先問問個待應張coupon點用，原來有三隻size既拼盤，可以自己揀五款餸，配搭自由。而茶方面，有玫瑰普利，幾特別，味道好清新，又唔使加錢，係不錯的選擇。兩條友睇完一輪餐牌，最終選擇了瑤柱豆腐、細既拼盤(有醉雞、鴨舌、素鵝、五香牛肉和蒜泥白肉)，當然少不了鍋貼。瑤柱豆腐確有好多瑤柱，豆腐亦入味，不俗。雖然係叫細拼盤，但份量一點也不少。醉雞好正，酒味適中，鴨舌幾有口感，素鵝脆口，蒜泥白肉小小辣，幾開胃。只是五香牛肉略硬。而鍋貼就只是中等水平，下次可以不試。其實好想食佢既片皮鴨，不過兩個人實食唔晒，下次要班多幾個frd來試。