一開始睇倒佢地個post，知道原來依個蛋糕個concept 係因為店主同屋企人去咗山中湖睇富士山受感動而製作，而咁啱上個月，我就係同屋企人去嗰度，所以特別有”故事”。
1
攞個蛋糕出嚟，所有屋企人就”嘩!” 咗聲，因為大家都仲記得喺山中湖好凍咁睇日出，富士山慢慢變色嘅回憶🥰 。蛋糕好有layers: 面頭有奶蓋就入面有黑芝麻戚風、黑芝麻帕林內、黑芝麻cream、芝麻脆餅。黑芝麻帕林內好濃味，texture係碎咗嘅焦糖，好特別。戚風蛋糕好fluffy，亦都唔會亁，因為自己都整過戚風，－食就知係新鮮整🤤。
雖然佢哋係小店，不過佢哋都算多交收點，亦有半價送貨服務（香港好少蛋糕店咁黐線🙈)。個日期六喺尖東站攞，pickup前會有wtsapp提您攞，交收同事好有禮貌，亦會打開蛋糕保溫袋比您睇同簡單介紹，保溫袋入面仲有冰種、蠟燭、生日插牌👍🏻
知道依家香港經濟麻麻，d人平時就好慳，weekend 就去曬日本同深圳（自己都係咁🙈），但好香港仲有好多小店其實值得被支持💪🏻
加油❤️
