饗和民 (康怡廣場) (已結業)

尋晚同男朋友行完街兩個人搵地方食飯，其實本身唔知道呢間同平時嘅和民有啲乜嘢分別，不過眼望佢嘅裝修都唔錯，喺門口睇咗餐牌啲嘢食都有啲吸引，就決定入嚟食下啦。我哋食飯嘅時候八點鐘左右，但呢間見入面都只係坐左一半嘅客人，不過因為見真係有啲肚餓，所以都唔理啦。餐牌上面d圖好靚，但出到嚟現實有啲核突，特別係呢個海鮮煲，有啲圖文不符。。。全晚食完，冇乜邊樣野覺得特別好食，但係好難食嘅就又覺得有，個年糕勁難食我哋仲要叫咗支清酒🍶，但係飲落一啲味都無，好似飲緊水咁，我同男朋友每人都係飲咗少少就冇要到啦，冇乜邊樣野令我有驚喜位覺得係好食。。買單大約五百幾蚊。。。各位自己衡量下要唔要去試食啦