圓貝 (海光苑) (已結業)

呢間健康珍奶，試過好幾款都好飲，包括「非常可仁」（材料成份有可可碎、朱古力米蓋、杏仁奶、低卡酮糖、純素朱古力醬、活性碳珍珠）。超飽肚嘅「抹茶蓋紅豆」（材料成份有燕麥腰果奶、紅豆、巴西莓珍珠、羅漢果糖、抹茶米蓋）呢個可以頂到一個午餐嘅飽肚感。「黑芝麻抹茶」（材料成份有宇治抹茶、辣木珍珠、黑芝麻糊），呢個都算好飲，不過建議可加珍珠，會增加多啲口感。仲有「瑰荔茶霧」（材料成份有士多啤梨、荔枝、祁門玫瑰花茶、奇亞籽、椰果、椰子奶蓋），呢個都好飲，但比較冰凍，因佢都有少少沙冰嘅成份感覺。以上各種口味都好好。呢日就試咗「雪燕山茶」（材料成份有山楂乾、西柚、柚子肉、雪燕、奇亞籽、活性炭珍珠），見佢係Keto friendly 俾生胴飲食嘅朋友可飲，所以就試吓，但今次經驗唔太好。1）睇相係好靚吓（當然圖片好多都唔作準），然後真實嗰杯嘢係比較齋嘅，可能係啲奇亞籽顏色問題。可能係Keto drink，杯嘢飲冇放珍珠，會冇咁肥，但口感就會差啲。2）啲職員基本上喺lunch time午餐時間比較忙，我下晝2點度去買，佢地就忙住做外賣，你通常都要企及等一陣先會應你。但其實啲職員可以講聲：「唔好意思，請你等一陣。