影片
更多
2008-07-17
11 浏览
幾個係灣仔返工既朋友相約食晚飯。近排食得太多西餐中餐日本菜喇，不如轉轉口味食下泰國菜啦，於是一個星期前已經係「泰軒」訂了枱。放工後，一直沿路行去時發覺依一帶好多「架步」，每行過一間BAR同夜總會，每見到一個性感打扮既姐姐，就越係到諗依度係咪真係有間正正經經既餐廳…究竟係咪搵錯路?! 不過最後都見到依間萬綠叢中一點紅既餐廳。入到去發覺一個客都冇，可能係早既關係啦，不過走個時都人仍然唔係好多人。暗暗地，環境幾好。有露台，不過唔想吸二手煙同天氣熱都係留係入面嘆冷氣比較明智! 泰式拼盤（細）以English tea賣相出場，好特別。雖然每人唔係分得好多，大既拼盤差唔多貴成倍，所以都應該真係好大，四個人都係細既好喇。有春卷、samosas、炸魚餅、炸蝦餅同木瓜沙律。春卷有芋頭同肉，有D實，麻麻地。炸蝦餅都叫做脆同幾香，點埋D汁，算係OK啦。木瓜沙律則大失望…因為之前睇到話個沙律好好食，點知好似得木瓜絲咁，感覺好寡，而且只係得D辣味，唔夠酸! 菜肉包（豬）又係因為睇到話好食所以叫既。D生菜唔知想點，係新鮮好脆，不過大部份都係超級細塊，一羹肉碎都包唔到。最後只好擺晒落個碟度用叉食，完全冇晒D風味。肉
入到去發覺一個客都冇，可能係早既關係啦，不過走個時都人仍然唔係好多人。暗暗地，環境幾好。有露台，不過唔想吸二手煙同天氣熱都係留係入面嘆冷氣比較明智!
泰式拼盤（細）
以English tea賣相出場，好特別。雖然每人唔係分得好多，大既拼盤差唔多貴成倍，所以都應該真係好大，四個人都係細既好喇。有春卷、samosas、炸魚餅、炸蝦餅同木瓜沙律。春卷有芋頭同肉，有D實，麻麻地。炸蝦餅都叫做脆同幾香，點埋D汁，算係OK啦。木瓜沙律則大失望…因為之前睇到話個沙律好好食，點知好似得木瓜絲咁，感覺好寡，而且只係得D辣味，唔夠酸!
菜肉包（豬）
又係因為睇到話好食所以叫既。D生菜唔知想點，係新鮮好脆，不過大部份都係超級細塊，一羹肉碎都包唔到。最後只好擺晒落個碟度用叉食，完全冇晒D風味。肉碎辣辣酸酸，唔難食，不過有D失望...
軟殼蟹
MENU入面張相超級誘人的，真個碟稍為樣衰。原來係避風塘式既蟹，好唔泰國喎。要好似尋寶咁係一堆炸蒜中搵出蟹，搵下搵下發覺都唔係好多。蟹幾脆，D蒜頭辣椒都幾香，不過避風塘煮法唔太合適。第一好唔泰國，第二味太重搞到蟹冇咩味。平時D蟹有得「損」下就話冇OK啫。
去骨海南雞
來到先留意到只係「海南雞」唔係「海南雞飯」所以冇黃薑飯...海南雞切得好差，件件都仲痴住晒。雞好滑，不過D汁就唔太夠香喇。同埋少左碗飯始終感覺唔知點咁。
蒜香露荀炒雜菌
蒜蓉味炒得幾香，係咁多個餸比較好食既...有雲耳、雞脾菇、鮮菇、本菇等等。D雞脾菇好似有D唔多新鮮，其他都幾好。
蛋包海鮮炒飯
好靚呀! 出到來既賣相都同MENU差唔多。有D蒜蓉落去炒，有蕃茄、蝦、魚等等。炒得好香呀，熱辣辣，正。蛋唔特別香，不過都為碟飯生色不少。D海鮮都好新鮮，唯獨係個魚係林晒既炸魚（用粉炸個D），好怪-_-"。同埋又係個句，好似唔多泰國。
南瓜布甸
甜品賣相好好，味道亦比咸點好多多聲。個南瓜布甸來到，同大家預期中好唔同，而服務員都好nice咁解釋畀我地聽。出面深色個層係南瓜肉，而入面就係南風蓉加奶等等造成既布甸。佢話雪凍左，不過食落去係暖既...甜品一係就熱，一係就凍嘛，最唔鐘意唔凍唔熱。不過味好好，唔太甜，南瓜味好香。有兩層唔同既野，係誠意之作，如果冇解凍應該係極品。
芒果糯米飯
又係好靚既賣相。糯米飯幾好食，係有幾種唔同米。友人嫌太硬，不過我反而鐘意佢硬硬地。唔會太甜，加埋D好香既椰汁，very good。不過芒果唔靚，有渣，美中不足...
講到食物質素，唔係難食，不過同想像中差好遠，同埋好多野都唔係好泰式，好失望。而且價錢幾貴，四個人食左$700，好彩有openrice $100現金卷（變左$600），如果唔係我會好唔開心。不過咁既價錢，咪當係食佢D賣相、環境同服務囉...比較適合做遊客生意...
张贴
