金川日本料理 (已結業)

其實小妹已經好耐無寫食評 但今次食呢間金川真係食到火都黎埋 估唔到我會為呢間食肆寫佢第一個食評話說今日下晝小妹同細佬係旺角搵下午茶食 果陣岩岩3點 見到呢間棟左個牌寫住d下午茶餐都幾抵食 分別係21 / 24 /26蚊坐低之後小妹叫左煙鴨胸炒烏冬+凍檸水 而細佬叫左三文魚角切魚生飯+凍檸茶落完單之後等...等...等....... 等左20分鐘 完全無野食黎過 催下單先見個女侍應去篤機 似乎就係完全無落單啦不過唔緊要 佢落完單好快就拎左兩杯野飲黎啦跟住等多5分鐘就拎埋個炒烏冬黎啦個炒烏冬十分咸+味精勁重 不過都唔緊要 因為小妹已經好肚餓 所以照食跟住我食到一半 魚生飯都拎左黎啦戲肉終於黎啦 細佬食下食下 突破面色一黑 口入面吐返d野出黎望下 原來係魚骨!!! 發現魚骨叫左個疑似經理過黎 經理話" e..可能係師傅清得唔乾淨 等我去同佢講下先"呢個疑似經理人物連道歉都無一句 態度輕蔑 不知所謂真係食到火都黎埋!!總結等+食 離開果陣已經4點 食完之後得出結論 奉勸各位 便宜莫貪!!!!p.s. 經小妹等野食時候觀察得知 此店漏單率達100%有d漏野飲 有d黎一個餐唔黎一個餐 有d漏左下