金撈老鴨湯刺身火鍋專門店 (已結業)

上星期因為有位同事farewell既關係，有同事推介呢間餐廳黎食。咁我地就去試下啦！去到呢間餐廳一定要試下佢哋出名既老鴨湯，要點就要點富貴金撈老鴨湯，入面有蟲草花，素翅，松茸等等地材料，個湯係濃郁到不得了。打邊爐之前仲就咁飲左幾碗，一個字。正！齊人一開始就食左個活魚刺身，簡直新鮮到不得了。之後點左碟牛肉，花生苗芽，紫玉淮山，野生竹笙，活蝦刺身，三文魚腩刺身等等。而個牛肉同竹笙係好有驚喜既，雖然碟牛肉價錢相比其他地方係比較貴，但係食落去相當有口感。如果多人既話，可以再去多次，試下唔同既食物。