Elmo's Bistro & Bar (已結業)

呢間bar & restaurant 細細間，裝修幾令，野食亦多選擇，先點左d前菜小食。黑松露薯條好大盆，黑松露份量適中，薯條好熱外脆內軟，送酒一流。之後呢個咖哩椰菜花好特別！椰菜花配左咖哩粉呢個配夾出面未見過。主菜點左比目魚同日本自然豬。比目魚有2大塊，配有紫薯蓉，比目魚好滑好香魚油，個皮煎到脆脆地好香口，而紫薯蓉食落帶點脆脆既口感，原來係加入左toasted risotto，好有心思。而呢款日本自然豬好有驚喜！豬肉8成熟好粉嫩，肉味香而且好嫩滑，配有紫薯蓉之餘仲有芝士焗薯，成個presentation都好令，而且豬肉份量多，幾抵食！