翰林軒 (已結業)

本身住九龍，星期六特登過黎上環訂造旗袍，順便搵下野食，估唔到依間翰林軒幾好味，侍應服務殷勤。黃糖馬拉糕，質感綿密，有黃糖香味，唔會太濕，好食。朱古力流沙包，個包唔會乾，朱古力做餡料好特別。反而點心一般，叫左蝦餃、燒賣、小籠包，比較粗糙一點，但係啲蝦都係好大隻嘅，小籠包肉多汁少，個皮比較厚。炸雲吞都幾好食，起碼真係仲有一隻蝦俾你見到。豬油渣撈麵真係好好味，呢個面其他酒樓真係食唔到，豬油渣好香，下次黎一定要再嗌。榴槤芝士餅，個甜品唔會太甜，有淡淡的榴槤味。下午茶時段幾抵食，買單都係二百幾蚊，而且點心可以一籠係兩件，可以嗌多啲其他唔同嘅點心。因為疫情嘅關係，當日入座係冇乜客人嘅。