影片
更多
2018-10-08
67 浏览
呢晚喺北角搵食，意外地發現小巷入面嘅呢間西式/fusion 餐廳，食物出乎意料中好味，且創新，有啲食私房菜嘅風味。店舖細但好舒適，木具俾人和諧嘅感覺，係談天嘅好地方。呢個一上菜真係嘩出聲！冇估到呢間小店嘅前菜都咁靚，好有心機。用乾冰營造出煙霧瀰漫嘅感覺，煙霧之後係一陣金光，原來豆腐上加咗金箔，仲有啲黑魚籽，材料夠哂高級。有口感之餘，材料配搭又富新鮮感，豆腐加溫泉蛋嘅味道同質感都好正～小食仲嗌咗烤洋蔥圈，份量好大又炸得卜卜脆～意粉落足明太子，食落卜卜噉好有口感，仲擺咗舊大啡菇加啲生菜喺上面，唔會咁齋。Cocktail 唔好預期太多，叫咗一杯 popping tequila 同 screwdriver，可能本身嘅酒品質唔係咁好，所以酒精味好強甚至嗆，調酒嘅份量亦未能控制得好。雖然呢度嘅飲品麻麻，但食物絕對可以搭夠，論食物味道、質素都維持得好，有實力！
店舖細但好舒適，木具俾人和諧嘅感覺，係談天嘅好地方。
呢個一上菜真係嘩出聲！冇估到呢間小店嘅前菜都咁靚，好有心機。用乾冰營造出煙霧瀰漫嘅感覺，煙霧之後係一陣金光，原來豆腐上加咗金箔，仲有啲黑魚籽，材料夠哂高級。有口感之餘，材料配搭又富新鮮感，豆腐加溫泉蛋嘅味道同質感都好正～
小食仲嗌咗烤洋蔥圈，份量好大又炸得卜卜脆～
意粉落足明太子，食落卜卜噉好有口感，仲擺咗舊大啡菇加啲生菜喺上面，唔會咁齋。
Cocktail 唔好預期太多，叫咗一杯 popping tequila 同 screwdriver，可能本身嘅酒品質唔係咁好，所以酒精味好強甚至嗆，調酒嘅份量亦未能控制得好。
雖然呢度嘅飲品麻麻，但食物絕對可以搭夠，論食物味道、質素都維持得好，有實力！
张贴
