板燒郎燒肉鐵板放題料理專門店 (已結業)

見朋友係咁推介俾我，今日終於決定去試一試，果然有水準。我選擇咗食埋佢嘅升級版，入面有個好大隻嘅赤蝦啦鮑魚同埋大扇貝任食，最緊要嘅就係鵝肝😻😻😻😻簡直就係人間美食。食物等嘅時間都需要十幾分鐘所以要早少少落定單。食物質數都幾好，和牛味道有牛味，食得出來貨既品質，鮑魚同赤蝦刺身好新鮮好大隻好有口感。有兩款食物就真係好推介，就係和味一口牛同埋七味雞軟骨，牛柳粒入味肉好鬆軟，其次就係雞軟骨，做下酒菜真係一流架，重複order左幾次架都，重有就係泰國嘅生蝦刺身，加埋佢特有嘅泰式辣醬，即刻開晒胃。不過唔開心嘅就係有時候都會冇左order，搞到好肚餓，要同返職員跟。但係之後佢哋就會唔會隔一段時間問返我地有冇嘢食未出，都算可以接受啦服務。埋單只不過係$300都唔使，有得食到咁多嘢食都叫做值回票價。