汀汀烤活魚 (已結業)

呢間汀汀好近旺角站 成日係火車橋行落黎都見到有人排緊隊 不過望入去又見地方有啲細 所以一直無入去試 今晚見無人等 係門口望一陣餐牌 決定試下呢間聽過好多次嘅烤魚店桂花魚 蕃茄薯仔湯底 特登叫個清啲嘅湯底試下條魚夠唔夠新鮮 海魚就唔見得係 不過食得出係游水嘅 夠厚肉 個湯底都驚喜地好入味👍落配料打邊爐碟牛肉唔夠肥美 好彩膽粗粗問個樓面換 得左 第二碟上黎靚仔好多 咁先試番舊幾水一碟嘛😎埋單兩個人四百尾 都唔算話抵食 不過成餐黎講食物好幾好嘅 都叫可以再去嘅