叉燒丼家

营业中

休息中

收到張開業優惠單張，又今日行經，一於去試試。餐廳格局行半西式加老香港線條畫做背景。個優惠係叫招牌菜《叉燒丼飯》包飲品，原價52，現優惠30攪掂，叫其他飲品只需補差價。呢個其實係名符其實嘅「黯然銷魂飯」，有葱油、豉油、脆邊煎雙蛋、叉燒、菜芯一條。可能開業關係，睇相片份煎雙蛋應該想兩邊兩邊其中一邊個蛋白只係半凝固，可能我接受程度比較低，呢方面有少少失望。叉燒有炭烤香味，半肥瘦，good! 葱油份量剛好，豉油適中，整體來說都算中上。紅豆冰反而有驚喜，唔係落淡奶，竟然用椰汁，啲紅豆夠腍，整體配搭起來味道不錯！希望繼續會改進，例如有啲圖文公仔教下人點食碗飯最好味。