CAMPSITE (K11 ATELIER) (已結業)

鍾意露營嘅朋友仔有口福喇！啱啱去咗鰂魚涌一間以豪華露營為主題嘅餐廳，入面嘅裝修以木為主調，提供優質嘅營火美食同西日fusion料理。本身並唔係露營愛好者，總覺得露營又熱又多蚊蟲，而且食嘅野都係好求其同hea😅但呢度又有冷氣又乾淨舒適，而且食物仲相當驚喜，真係改變咗我對營火食物嘅睇法🙈 簡直係享受豪華嘅露營體驗⛺️晚餐時段仲好有氣氛，燈光柔和舒適，非常適合生日、紀念日之類慶祝。🔸鐵鍋煮青口 （麒麟啤風乾腸味）- 青口可自選醬汁，見呢個比較特別所以試試。呢隻應該係藍青口，質地好滑，唔會有草青味。啤酒味好香濃，但又唔會蓋過青口嘅鮮甜，非常有驚喜👍🏼🔶 火焰北美大蟹肉 - 麵包好脆口，蟹蓋好惹味，放喺度燒嗰陣已經覺得勁香，搽麵包食超開胃🤤誠意推介🙌🔶 和牛扒配和牛骨髓 - 蒜味好濃，偏咸。和牛非常嫰滑，牛骨髓好惹味，搽麵包食絕配！完全唔需要再搽醬汁。🔶豆腐柚子櫻花麵 - 麵質地好滑，好清香，滿滿柚子味，夏天食非常開胃。豆腐輕輕燒過，所以好香口。🔶巴斯克焦香芝士蛋糕 - 兩個人食剛好，質地比較淋身，唔係重芝士嗰種，所以相對都冇咁膩。