Bugis@叻沙・海南雞飯

好耐無黎鑽石山，因為依度有優先場，所以過左黎睇戲，睇完戲行左陣街，已經7點鐘，當然要搵地方醫下個肚啦。成個商場行左個圈，最終揀左間未試過嘅「BUGIS@叻沙·海南雞飯」，門面裝修簡簡單單，但都有啲民族風味。

雖然今日係星期日，但佢地都有做個「假日自選一人行」套單。
一款小食+一款主菜+飲品，盛惠98蚊（未計加一）呢個價錢都算ok啦！

最終我同朋友無叫到套餐，因為我想試佢個「麻辣無骨海南雞喇沙摻摻」

資麻辣無骨海南雞叻沙摻摻

$72

除左配足夠份量嘅海南雞，仲有一隻糖心蛋，魚蛋用左陳皮魚蛋！好味！

1

朋友叫左招牌菜「新加坡無骨海南雞飯」
海南雞夠曬滑，最有驚喜係個唔起眼嘅湯，落左金華火腿嫁！

新加坡無骨海南雞飯

$66

睇相都知又嫩又滑！🤤🤤

馬拉盞炒通菜-估唔到佢會用石碗上，可以保持住個菜嘅溫度之餘，夠曬香口。Yummy😋

馬拉盞炒通菜

$52

總括黎講，咁嘅價錢，咁嘅食物質素，緊係要再黎試埋佢個肉骨茶同無骨豬踭啦！👍🏽👍🏽👍🏽