木槿花韓牛專門店 (已結業)

呢幾日終於有啲涼意，唔會太熱可以行遠啲食飯。經過見到呢間有韓式午餐，唔知係咪冇乜人知佢地做LUNCH，所以冇乜人，完全唔使等位，而且裝修都唔差，可以清清靜靜食個飯，減少工作上的繁囂感。打開餐牌，都幾多選擇，加埋韓牛午餐，都有成9款，除左有常見的泡菜豆腐, 牛肉鍋之類，最驚喜係有韓式的辣拌蕎麵冷麵同韓牛他他拌飯。不過今日想揀些熱飯食下，所以最後都係揀左馬鈴薯豬骨湯配飯。$148包左前菜同沙律，前菜是韓式煎餅，大大件，食完沙律同佢，都已經飽左2、3成。馬鈴薯豬骨湯上枱，熱騰騰，好香配埋出奇香軟的珠珍米白飯，真係令人好開胃。湯汁渴起來有點菜乾的味道，應是廚師的心思秘方，中和了排骨的膩感。記得去韓國玩果時見過有專賣馬鈴薯豬骨湯的店，不知道是否也是這種風味呢?心情好胃口大開，再追加了韓式煎餃子，6隻$50，都ok。滿足，已決定下次要來試他們的韓牛他他拌飯。