魚川居 (已搬遷) 新店位置

無意中發現工廠大廈裏的火鍋放題二百幾蚊雞煲+海鮮火鍋🍲好似都幾抵食咁 所以就去試下有level 1-4, 由於第一次去, 要個Level 1, 試下先。有5個煲可以選擇，先食煲後加湯打邊爐。我地揀咗雞煲 要咗少辣 味道都可以 份量都ok.附送海鮮盤，我哋㨂咗蟹，可加$20轉本地龍蝦。海鮮盤 - 都幾足料，每人有一隻蟹，鮑魚，帆立貝，花螺，海鮮新鮮。小食無限任點，即叫即正，推介午餐肉👍🏻自助Bar選擇多🥢有海鮮盤以外的 ，虎蝦，賴尿蝦，蜆…好多唔同款嘅丸，豆腐，響鈴，公仔麵…打邊爐要嘅野都有...飲品 - 汽水🥤茶 🧃仲有自家製飲品🧋仲有雪糕，但太飽冇食到。肉類 - 牛肉選擇比較多，豬有一款👍🏻整體來講都唔錯，平日人唔多，坐得舒服，店員友善，無限我地時間，價錢抵食，海鮮超正，值得一試。