鉄人大盛 (已結業)

🔎尖沙咀堪富利士道8號格蘭中心地庫「有驚喜的鐵板燒放題」－ 鉄人大盛早前睇左好多報導都介紹呢間新開嘅鐵板燒放題店，於是同友人一於潮聖下，試下好唔好食！晚市放題分3個時段，每段2小時，任何時段一律HK＄328+10%！黎到先知原來唔係一定會有得坐鐵板燒枱，職員話鐵板燒枱都係俾一大班人，所以我地就被安排係普通枱，冇得係鐵板燒枱，可能要係訂枱request下啦！店員同我地講第一輪刺身唔洗叫，由餐廳安排！刺身黎左，有乾冰伴碟，好有仙氣！而款款都係厚切，仲要好新鮮，最愛帶子刺身跟牡丹蝦，兩者都好肥美，估唔到連拖羅都有，刺身控唔夠嘅可以再叫！ 之後叫了鐵板燒物，鐵板燒共10款菜式，最欣賞燒汁一口牛，因為牛肉粒厚切，炒得軟韌度適中，唔會過熟，亦很重牛味！仲有葱花牛肉，牛肉包住葱花，很香口，吃起來不會感到油膩，肉質軟嫩，又不失咬口！還有鐵板羊架，羊架算大隻，見到外帶焦香，但內里卻是呈粉紅狀態，羊架夠大隻肉嫩，相當高質。鐵板菜式還有法式鵝肝配多士，鵝肝是厚切，吃多就比較膩了。而雞扒肉質嫩滑，泰式醬汁惹味，令味道更加出色！除了鐵板燒，仲有串燒，個人覺得鰻魚好好味，大塊多肉，沒有腥味，很香口，配上鰻魚汁更惹