鐵板先生 (已結業)

今日同朋友慶祝生日，佢想食鐵板燒，於是就搵咗呢間位於佐敦山林道既餐廳同佢慶祝。我地叫咗最平嘅一個餐(598/2人)但食物絕對唔失禮。前菜有沙律，三文魚刺身同魚湯，味道就不過不失啦。但主菜都幾有驚喜。有大蝦，龍脷柳同牛柳 。全部燒得啱啱好，味道唔會太咸，不錯。仲有炒飯同炒菜。我地原本以為會唔夠食，點知食到勁飽😂因為朋友生日，所以一早WhatsApp 叫定師傅整個生日炒飯俾朋友。呢間鐵板燒相比其他餐廳便宜得多，但食物質素不錯，所以都會推介大家黎。