影片
更多
2011-08-25
59 浏览
5月10日, 下午行過尖沙咀, 呀菲忽然齋癮起, 想食齋, 好彩附近搵到呢間素食! 由於我地去到時間都已經大概2點半, 過咗lunch time時間, 冇乜人~::: 自選點心 x 6 ::: $18 x 2點心除開都係$6一件, 仲有好多選擇添, 真係分分鐘比茶樓更平~ 叉燒酥 – 有叉燒嗰隻汁, 加埋豆乾, 味道幾好. 可惜表皮凍咗, 淋咗, 欠決香酥感…南瓜餅 – 煙煙韌韌, 但係太清淡… 裏面南瓜茸唔夠味. 只係似食緊冇炸嘅煎堆.炸春卷 – 餡料都幾豐富, 有蘿蔔絲, 雲耳絲, 冬菇絲, 味道濃郁~ 炸春卷皮都仲有少少脆, 不過又係凍咗…葡汁野雞卷 – 呢個算咁多樣之中最特別又最好味, 用腐皮包住葡汁素雞, 葡汁味濃素雞又有咬口~ 雖然都係凍嘅, 不過個腐皮凍咗又唔會話好差.香滑馬拉糕 – 呢個就真係比茶樓遜色, 可能要素製, 味道就係怪怪的, 冇乜蛋味又冇乜糖味… 質地亦唔夠鬆軟.白菜煎餃 – 中規中矩嘅一件, 煎過嘅外皮仲有dd脆, 不過餡就冇乜特別.點心整體最差都係凍咗, 味道唔錯嘅, 但如果熱食應該會更好.::: 鮮竹什菌炒麵 ::: $50點心可能過咗出爐時間, 所以
::: 自選點心 x 6 ::: $18 x 2
點心除開都係$6一件, 仲有好多選擇添, 真係分分鐘比茶樓更平~
叉燒酥 – 有叉燒嗰隻汁, 加埋豆乾, 味道幾好. 可惜表皮凍咗, 淋咗, 欠決香酥感…
南瓜餅 – 煙煙韌韌, 但係太清淡… 裏面南瓜茸唔夠味. 只係似食緊冇炸嘅煎堆.
炸春卷 – 餡料都幾豐富, 有蘿蔔絲, 雲耳絲, 冬菇絲, 味道濃郁~ 炸春卷皮都仲有少少脆, 不過又係凍咗…
葡汁野雞卷 – 呢個算咁多樣之中最特別又最好味, 用腐皮包住葡汁素雞, 葡汁味濃素雞又有咬口~ 雖然都係凍嘅, 不過個腐皮凍咗又唔會話好差.
香滑馬拉糕 – 呢個就真係比茶樓遜色, 可能要素製, 味道就係怪怪的, 冇乜蛋味又冇乜糖味… 質地亦唔夠鬆軟.
白菜煎餃 – 中規中矩嘅一件, 煎過嘅外皮仲有dd脆, 不過餡就冇乜特別.
點心整體最差都係凍咗, 味道唔錯嘅, 但如果熱食應該會更好.
::: 鮮竹什菌炒麵 ::: $50
點心可能過咗出爐時間, 所以只剩番d凍野. 不過呢個炒麵即叫即製, 非常熱辣辣仲好大碟! 份量足夠3-4人食, 好彩我地叫咗一個咋! 炒麵香脆, 獻汁香濃, 用料新鮮, 已經足夠形容晒呢個炒麵! 炒麵有剛好嘅脆口度, 唔會太硬, 浸一浸d獻汁又索得到d味. 好怕炒麵有嗰種油臆味同鹼水味, 好彩呢個又冇~ 鮮竹好夠淋, 又好索汁, 正~ 翠玉瓜夠新鮮好爽口, d什菌都一樣咁好味~ 個獻汁就係整個炒麵嘅精髓, 簡簡單單一個蠔油獻唔會過鹹過淡, 味道適中, 唔會搶咗素菜d鮮味, 又冇浸淋晒d炒麵~ 唔怪得有幾枱人都叫呢樣~
食物水準唔錯, 大大碟好抵食~ 不過點心就可能要揀啱時間. 可能係3點鐘冇乜人, 冷氣開大咗d, 不過只收$5茶錢任飲, 呢個時間可以當係中式café坐低靜靜地傾下計都幾好~
张贴
