影片
更多
2014-01-19
1576 浏览
咁岩係soho附近就隨便係openrice揀間餐廳食晚餐。環境唔錯，暗暗地幾有情調。只係我們一行5人坐4人枱，有少少逼。Italian Platter: 份量幾大，5人都夠分，有parma ham, salami, mozzarella, olives, rocket leaves and cherry tomatoes, toasted bread。rocket leaves加埋黑醋，好fresh。mozzarella係慷慨既一大舊，淡淡既芝士味，好味！只係略嫌有D過濕。個包暖暖地，加左olive oil,好香而且好鬆軟。Chicken pesto risotto balls: Chicken pesto同芝士，各樣都有，但唔係好出，冇乜特別。Tiger prawn pasta: 蕃茄味好夠，有適中既辣味，食到唔想停美中不足係意粉稔左D。Parma ham pizza: 個薄底好脆，都幾好食Fiery moroccan chicken pizza: 出色！見係地中海菜試個有特色D既pizza。有yoghurt, hummus, chicken, rocket leaves。有D似食緊
環境唔錯，暗暗地幾有情調。只係我們一行5人坐4人枱，有少少逼。
Italian Platter: 份量幾大，5人都夠分，有parma ham, salami, mozzarella, olives, rocket leaves and cherry tomatoes, toasted bread。rocket leaves加埋黑醋，好fresh。mozzarella係慷慨既一大舊，淡淡既芝士味，好味！只係略嫌有D過濕。個包暖暖地，加左olive oil,好香而且好鬆軟。
Chicken pesto risotto balls: Chicken pesto同芝士，各樣都有，但唔係好出，冇乜特別。Tiger prawn pasta: 蕃茄味好夠，有適中既辣味，食到唔想停美中不足係意粉稔左D。
Parma ham pizza: 個薄底好脆，都幾好食
Fiery moroccan chicken pizza: 出色！見係地中海菜試個有特色D既pizza。有yoghurt, hummus, chicken, rocket leaves。有D似食緊個kebab味既pizza。 Highly recommended
Chicken strips with spicy peri peri sauce: 比較普通，個汁都OK既，不過一D都唔辣，同埋D雞好'鞋'
Lamb Kofta: 唔錯，冇蘇味，個sauce都可以
當然唔少得甜品！
Tiramisu: 上面D碎朱古力，再加兩塊葉，令我諗起元朗某甜品店既盆裁tiramisu。個mascarpone打得好滑，唔太甜。個lady finger好有咖啡同酒味，但又唔會太濕。值得推介 不過我個人都係鍾意傳統既可可粉多過朱古力碎。
Cheese cake with passion fruit sauce: li個反而有D失望，冇乜芝士味。消化餅底好厚，好重消代餅同牛油味，再加埋個sauce，更加遮哂個本來已經冇乜既芝士味。
整體黎講幾出色，服務亦都幾好。加上本來冇乜expectation，質素都比左個surprise我地！重有其他野想試，下次搵機會再黎
张贴
