宇治園 (已結業)

本身去左海港城Nike買嘢，行到攰攰地諗住上去Starbucks 坐下飲杯嘢。但一上到去，勁L多人，回頭一望見到有間綠茶鋪好似幾似樣仲要俾我入埋最後一張枱。一於試下，一入去waiter服務出奇地好（可能係尖沙咀已經被西慣），有日本feel。Waiter 問飲咩茶冷熱綠茶，天時咁熱就上下凍飲，綠茶好飲，入口甘，解渴，有茶香。叫左2個甜品，焙茶啫哩同抹茶脆脆杯，2個都好好味，一到要即食，友人掛住影相，好快就溶溶地。價錢當然唔平，但海港城食嘢都預左但勝在唔使好似Lady M 咁排死都未到你同未有太多同胞。坐得幾舒服，值得正評。