豆花妹撈米線 (已結業)

之前經過豆花妹都好糾結，到底好唔好試下呢? 硬係覺得豆花同肉碎+米線配搭好古怪，最後都忍唔住會一會佢先。我叫左個最basic既豆花撈米線，邊等邊期待佢有幾好味，等左大約5分鐘就有得食啦，都好快手喎 !呢碗米線入面有炸菜、肉碎、豆腐花、花生、蔥＆芫茜，d肉係辣辣地既，有dd麻辣feel，食出奇地呢個組合又幾好味喎，食完一啖再一啖，好鬼開胃啊！有d後悔唔加大，哈哈...下次要食一定要加大，經過既朋友一定要試下啊！