影片
更多
2015-09-05
1335 浏览
我地一行三人簡左B餐每位$268加一.野飲任飲,另外仲有一個自助Bar提供一D生果,熱盤食物等,絕對夠食!一黎就係上左一盤意大利海鮮冰山(送的), 因為食長腳蟹用左我吾少時間去剝殼,結果食到成盤冰水咁。長腳蟹聞上去同食落去都好新鮮,但淡左少少,要點少少鼓油食(可能我比較重口味).甜蝦既鮮甜味就好出,可以連鼓油都吾點就食左落肚XD第一道係堂煎帶子伴黑魚籽, 帶子食得多,但第一次夾埋一塊餅乾食,原來口感都好特別,而且味道係同帶子相配合,好中意呢個配搭,至於帶子既口感就係鮮爽且不會過熟.第二道係黑松露醬伴磯燒鮑魚, 呢道又係我賣飛佛, 鮑魚切粒,更加入味,啖啖爽口之餘又有肉汁係你口入面滲透你整個味蕾,嘩,不得了.又係食到停吾到口.第三道係鐵板祕醬複碌, 一黎到聞到陣味就已經流曬口水.蝦肉爽口彈牙,仲要大大啖肉,真係食完又想再食第四道係車打芝士培根焗包,睇落以為同普通包無咩分別,覺得係配菜,應該都係一般般,點知一食落口係好鬆化,好香牛油同芝士味,比到我一個意外驚喜.出奇好食!第五道係蟹肉意粉,呢碟意粉對我黎講就一般般,無咩特別驚喜.第六道係金華火腿上湯浸津白,係我仲專注食緊其他野既時候, 呢碟
一黎就係上左一盤意大利海鮮冰山(送的), 因為食長腳蟹用左我吾少時間去剝殼,結果食到成盤冰水咁。長腳蟹聞上去同食落去都好新鮮,但淡左少少,要點少少鼓油食(可能我比較重口味).甜蝦既鮮甜味就好出,可以連鼓油都吾點就食左落肚XD
第一道係堂煎帶子伴黑魚籽, 帶子食得多,但第一次夾埋一塊餅乾食,原來口感都好特別,而且味道係同帶子相配合,好中意呢個配搭,至於帶子既口感就係鮮爽且不會過熟.
第二道係黑松露醬伴磯燒鮑魚, 呢道又係我賣飛佛, 鮑魚切粒,更加入味,啖啖爽口之餘又有肉汁係你口入面滲透你整個味蕾,嘩,不得了.又係食到停吾到口.
第三道係鐵板祕醬複碌, 一黎到聞到陣味就已經流曬口水.蝦肉爽口彈牙,仲要大大啖肉,真係食完又想再食
第四道係車打芝士培根焗包,睇落以為同普通包無咩分別,覺得係配菜,應該都係一般般,點知一食落口係好鬆化,好香牛油同芝士味,比到我一個意外驚喜.出奇好食!
第五道係蟹肉意粉,呢碟意粉對我黎講就一般般,無咩特別驚喜.
第六道係金華火腿上湯浸津白,係我仲專注食緊其他野既時候, 呢碟菜無聲無色地被同桌兩位友人食清光!!真的這麼好吃嗎?
最後呢道係燉鮮奶,比我想像中少了點,奶味香濃且滑溜,再多D就好啦!!其實俱到最後呢道都已經飽到上心口,但都要食曬佢,因為甜品永遠都是女士們最愛XD
张贴
