友情歲月古惑仔漫畫主題冰室 (已結業)

聽講最近尖沙咀厚福街開左間👍🏻香港本土漫畫主題餐廳：友情歲月古惑仔漫畫主題冰室！我作為一個漫畫愛好者🤣當然要約埋幾個朋友一齊去打卡支持啦！由樓梯口上去就開始有驚喜，牆壁有好多一格格嘅漫畫人物，畫功了得！！成間餐廳嘅枱面全部係漫畫人物，牆上有原稿漫畫繪制過程亦有古惑仔主編牛佬，主筆倫裕國及其他創辦人的簡介，成個環境格局好舒適！其實嚟之前有聽講左餐廳出菜速度慢嘅問題，但我今次親身體驗過完全唔會慢好快就出齊餸啦！我應該只係初期新開張未適應混亂所至者，依家已經完全無問題啦！👍🏻我哋叫左幾個餸，包皮炸鮮奶椒鹽鮮魷（素菜）水煮牛肉陳浩南乳炸雞翼豬油渣拍蒜時蔬紐西蘭肉眼扒豆蓉香草羊扒德國焦糖黑啤豬手回鍋肉炒福花、仲有超正嘅😋豬油撈飯！不得不讚佢哋餐廳，豬油撈飯嘅豬油竟然係每日新鮮炸出嚟，難怪會咁香啦！成晚咁多款餸菜我個人真係超鍾意椒鹽鮮魷(素菜)、豆蓉香草羊扒、包皮炸鮮奶、水煮牛肉！真係好有驚喜，椒鹽鮮魷(素菜)入口即溶，羊扒嫩滑多汁！令我好想一人獨佔🤣🤣，但我唔可以咁做，因為我啲fd一定唔會放過我！唯有下次再上過嚟食啦！Haha...😋