爆丼屋 (山東街)

营业中

休息中

今次嚟到旺角食晚餐，難得六點未到見冇咩人就試呢間爆丼屋。入到去佢會即刻送兩碗麵豉湯，估佢唔到咁好飲，唔似出面啲麵豉湯咁溝到好稀，仲比我食到有瑤柱。之後我哋每人都叫咗個三重大極上丼，一遞上來就覺得佢擺盤好靚又有心思。佢有三種食材，分別係海膽，大拖羅同埋蟹柳。海膽鮮甜新鮮，一啲腥味都冇，同埋d海膽好結實，一定唔會係放咗喺度好耐個隻。大拖羅佢有成10片，一食落入口即溶，有好重嘅吞拿魚油香味，每一片嘅質素都好高，一啲都唔腥。最後係佢嘅飯都用咗日本米，配搭埋少少醋香味，一片魚生一啖飯，或者一啖海膽一啖飯。淡淡都令我回味無窮。嘢飲方便我哋就嗌左一杯制霸魚缸沙冰芒果味，份量超級多，一杯兩人飲都夠飲。另一杯就係泡泡浴沙冰，飲落原來係雲呢拿味沙冰。總括嚟講呢度嘅魚生飯真係好出色，味道質素亦都係高上水平，有機會會再嚟食。