上海名居

营业中

休息中

行完愉景又同謙謙周圍搵野食，見到原來有間上海名居，見好耐冇飲酸辣湯就入左去食了。💟 麻醬腐皮卷 ～ 腐皮卷不嬲比我感覺都係好熱氣，但呢到用麻醬來做出涼拌菜式又幾驚喜喎， 加上腐皮卷包左好多蔬菜個卷好爽口上面d 麻醬好加分。💟 紅油抄手 ～ 落單時有得自選口味，我點了微辣，感覺唔錯唔會太刺激，甜辣的感覺皮薄餡靚。💟 大排三絲冷麵 ～ 大排原來係豬扒，豬扒夠入味又夠腍， 青瓜絲雞蛋絲甜絲拌勻一齊食好滋味呢到d 冷麵謙謙好鍾意。💟 酸辣湯拉麵 ～ 我最愛的酸辣湯，入口夠哂酸和辣， 拉麵質感幼滑用來掛湯好掂， 如果個湯份量再多 d 就仲更加吸引。💟 紅糖流心糍粑 ～ 食完d辣野，緊係要食返d甜野來平衡返，呢個紅糖糍粑絕對滿足到，煙韌的口感中間爆紅糖醬，令人會追住食。