影片
更多
2021-10-22
183 浏览
話說會合老公後周圍搵食， 咁啱見到間餐廳試業，反正冇咩心水就入去試新嘢。首先座位大概有30～40個吧，有5張卡位， 屬於高身個隻， 唔會見到前後面，私人度夠高。 而普通位都有空間， 唔會好迫或背貼背。 冷氣都夠。每日都有幾款唔同的晚餐，但要正式營業先有， 咁唯有散叫， 不過都只係差幾蚊。 加$8有埋咖啡奶茶的餐飲。小食我哋叫咗個“炆冬菇”同“川椒皮蛋”。冬菇中size，算厚身，最重要係超入味。好快已經啪咗幾隻。 而皮蛋食得出唔係一般貨色，冇‘押’味，仲要糖心， 啱哂我老公。我要咗個 ‘墨魚餅+魚片頭’ 配紅薯粉，仲有米線、公仔面等選擇，而湯底因為我鍾意食辣， 所以就揀咗麻辣。 紅薯粉唔會煮得太淋，麻辣正常，有“麻”的味道，亦伴有花生同芫荽。墨魚餅煎得香口，墨魚味濃，略厭唔夠彈牙。魚片頭夠厚身，唔油膩。而我老公就點咗個個‘糖心蛋+豬扒’ 配鹵肉飯。 個糖心蛋有啲酒香，但唔會太濃搶味，亦夠滑。 個豬扒有肉味， 不過就薄咗少少。 個肉燥用半肥瘦嚟鹵，夠入味但咸咗少少，但配飯食就ok。兩位男職員 (應該係老細) 非常好禮貌亦招呼好好，會問啲嘢好唔好食同啱唔啱食，整體係滿意的一餐，可以做我 “飯
首先座位大概有30～40個吧，有5張卡位， 屬於高身個隻， 唔會見到前後面，私人度夠高。 而普通位都有空間， 唔會好迫或背貼背。 冷氣都夠。
每日都有幾款唔同的晚餐，但要正式營業先有， 咁唯有散叫， 不過都只係差幾蚊。 加$8有埋咖啡奶茶的餐飲。
小食我哋叫咗個“炆冬菇”同“川椒皮蛋”。冬菇中size，算厚身，最重要係超入味。好快已經啪咗幾隻。 而皮蛋食得出唔係一般貨色，冇‘押’味，仲要糖心， 啱哂我老公。
我要咗個 ‘墨魚餅+魚片頭’ 配紅薯粉，仲有米線、公仔面等選擇，而湯底因為我鍾意食辣， 所以就揀咗麻辣。 紅薯粉唔會煮得太淋，麻辣正常，有“麻”的味道，亦伴有花生同芫荽。墨魚餅煎得香口，墨魚味濃，略厭唔夠彈牙。魚片頭夠厚身，唔油膩。
而我老公就點咗個個‘糖心蛋+豬扒’ 配鹵肉飯。 個糖心蛋有啲酒香，但唔會太濃搶味，亦夠滑。 個豬扒有肉味， 不過就薄咗少少。 個肉燥用半肥瘦嚟鹵，夠入味但咸咗少少，但配飯食就ok。
兩位男職員 (應該係老細) 非常好禮貌亦招呼好好，會問啲嘢好唔好食同啱唔啱食，整體係滿意的一餐，可以做我 “飯堂” 的其中一個選擇。 而家試業仲有9折。抵！
下次會試佢的任食火鍋，有好多辣同唔辣的選擇，例如酸菜魚、水煮牛、麻辣雞湯底。
张贴
