有驚喜! 比想像中好食
雖然未去到我既中菜List top 3，但香宮絕對係可以再黎，有D菜都真係帶俾我同朋友驚喜
唔知係咪因為佢舊年換左個新大廚?
聽侍應分享，新廚黄偉文師傅係舊年年底黎
佢入行約20年，其實都算好年輕
但就可任知名酒店中菜大廚，佢既功力令人期待
一嚐後，也確沒有令我地失望
講返香宮既環境，非常傳統既華麗級設計
金碧輝煌﹑貴麗堂皇等等既4字詞最岩形容
雖然少左一份時尚感，但我對呢個有點帝皇式氣派既裝潢都幾喜歡
而且而家都少見呢類既設計
場內既坐位﹑枱椅夠闊落
也不太聽不到周邊的客人講野
呢方面都絕對配對得上酒店級別
服務方面，每位侍應都好有禮貌
經理都會過黎問下你對菜或既感覺想法等等，而且佢笑容好足，令人感覺好舒服
是晚是朋友生日，買來了一個生日蛋糕
侍應幫我用一個合size 的碟子裝出黎，而且仲好貼心地加左一些新鮮花瓣做點綴，令到我地好驚喜又開心，大大加分
不過有一樣野我覺得需要改善
就係茶壺底下沒有一個「點住火的蠟燭」，以保持茶既熱度
我地食到一半，茶已經涼了:(
但我們總不能叫侍應不停換水
呢個位有點減分
幸好，食物整體方面有水準
我去中菜廳必食的叉燒，香宮都做得有質素
以至去到一些創意菜，都帶到驚喜俾我地，以下會細講
而且有一個加分位，香宮會送給客人一個美名為「香宮甜品樹」的東西
首先有送甜品都開心，而且個外形真係幾靚
一個銀器打造的樹狀上有樹葉展伸出黎，上面就係放左4款共8件的甜品
真係幾靚
而且味道都唔錯
十分欣賞呢D位，為客人是日既晚餐打造一個beautiful既ending
以上種種，都吸引到我將會回頭再試!
結帳時發現原來HSBC 卡有9折
十分驚喜，有水準的菜還有平，真係意外又開心
是晚買左個蛋糕係現場切，沒有收切餅費
茶位每人$30
開首會放左兩杯茶飲俾你開胃
然後再放低一set 3款既辣
都是免費的
➽焗腰果 免費
腰果有輕微既軟身，不是新鮮炸出黎，失色:(
➽鹽燒8頭鮮鮑魚 salt roated Abalone $88 一隻
十分有趣的一個鮑魚
未試過鮑魚都可以酥炸
口感有點點似酥炸魷魚
但又不是整個都有粉皮包住一起炸
只有鮑魚邊位有酥炸皮包住的，而且是脆脆的，是鹽燒的做法
鮑魚身就沒有酥皮包住，好有趣
整體好食，有創意
1
➽芝士焗蟹蓋 baked crab shell $298用銀色蟹形器皿盛住既，外形上夠晒開胃
就咁都’’聞’’到香氣，芝士既味道
蟹肉量都好多好滿
味道發揮不錯
同我係其他酒店食既都差不多水準
1
➽濃湯花膠雞絲羹 fish maw chick soup $238 位:(原來係同蛇羹一樣既概念
落左D 果皮﹑大量薑絲，而且都會有D 脆片俾你加落去食
這一個我不喜歡，因為果皮味太重，蓋過其他的味道
而且薑絲真的太多，加身上我本超不喜歡吃薑絲，所以我要挑走晒D薑絲先食到
不過就算我朋友唔討厭薑絲，佢都覺得太多，食一啖都有好多薑絲
其實唔計D薑絲同果皮，整體既香味都幾好，個湯有香濃既雞味
可惜咁岩做法唔岩我口味
1
➽叉燒拼燒鵝 BBQ cuts platter $348 燒味係我食中菜必食的菜式之一
有驚喜呢!
個叉燒肉軟腍，邊個做到好焦脆，得!
味道有點偏甜，係我喜愛既味道
好推薦!
燒鵝又係好正
個皮好脆，好新鮮
入口鵝油油脂好香，鵝皮入口有脆口口感，然後快溶化，好正
鵝肉就正常發揮
佢個篤皮咁正，令我有點想下次試下佢個片皮鴨，應該好有水準!
➽香酥脆皮牛腩 crispy beef brisket $368
超創意既一道菜
炸牛腩真係未見過，而且睇MENU 知道仲係chef signature dish 之一，真係忍唔住試下
黎度係見到兩整排共8粒既牛腩
就咁睇有D 似D炸卷物
牛腩入口係收晒水，比較乾爽身，牛味好濃郁，外層既炸物係薄薄既一層唔會太厚
佢配給既醬係靈魂之物
感覺有點像黃豆﹑麵豉﹑麻醬之類的混合，當然實際是什麼不會知道，是大廚的秘密吧
這個醬係令到乾爽身既牛腩豐沃
不過2人食8件太多了，每人食2件就差不多
值得推薦一試
➽上湯海味雜菜煲 veg w/dried seafood $328
呢個菜式雖然常見不特別，但佢係香宮招牌菜，真係做得幾有水準，推薦!
個菜係菠菜苗，唔苦
佢加左大量既海味乾，好似有蝦乾﹑瑤柱等
所以個湯底好甜但又不膩，我都飲左唔少
雖然食到尾都好飽，但都忍唔住食晒佢咁濟
1
1
