影片
更多
2022-06-03
100 浏览
行過銅鑼灣趕住有野做，要快快手食個午餐，見到個大隻佬logo同埋裝修好靚既餐廳，就入左去試下，都幾有驚喜😎（5分為滿分：🌕）味道：🌕🌕🌕🌖🌑瑞士汁雞脾辛辣麵($64)呢個餐簡直係平時茶餐廳既既升級版常餐，首先有一碗芝士辛辣麵，平時麵底只會多數係米線/福字麵或者加$3轉出前一丁，但呢到用辛辣麵係勁惹味，加埋面頭塊芝士，一個字「正」😎😎 另外再上一碟瑞士汁雞脾+牛角飽+奄列，隻雞脾勁大隻，瑞士汁勁好味，我平時唔食雞皮都連皮食🤣蔥花滑蛋蝦仁飯($62)一上枱已經見到勁多隻蝦，特登數過都有成7隻，仲要隻隻都大隻同夠爽🥹食落撈埋啲蛋同豉油真係好正，唯獨係啲飯如果可以軟熟啲就仲正🤣🤏🏻西多士($28)茶記經典，炸得都幾鬆脆，食到有少少陳皮味？🤔平時好少食到陳皮味既西多，幾特別🤫煉奶花生醬多士($20)包類愛好者既小編最鍾意叫呢啲多士，夾埋啲花生醬真係可以食夠三四塊都無問題🤪椰汁紅豆冰/棉花糖朱古力(跟餐+$9）茶記大家應該最常飲凍檸茶/凍奶茶，今次就試下啲特飲，紅豆冰個椰味好重，同啲紅豆大大粒又煮得好棉😝朱古力就味道似華田，不過加左棉花糖好似食緊甜品咁🤪價錢：🌕🌕🌕🌗🌑銅鑼灣黎講食個lunch基本
（5分為滿分：🌕）
味道：🌕🌕🌕🌖🌑
瑞士汁雞脾辛辣麵($64)
呢個餐簡直係平時茶餐廳既既升級版常餐，首先有一碗芝士辛辣麵，平時麵底只會多數係米線/福字麵或者加$3轉出前一丁，但呢到用辛辣麵係勁惹味，加埋面頭塊芝士，一個字「正」😎😎 另外再上一碟瑞士汁雞脾+牛角飽+奄列，隻雞脾勁大隻，瑞士汁勁好味，我平時唔食雞皮都連皮食🤣
瑞士汁雞髀辛辣麵
$62
18 浏览
0 赞好
0 留言
蔥花滑蛋蝦仁飯($62)
一上枱已經見到勁多隻蝦，特登數過都有成7隻，仲要隻隻都大隻同夠爽🥹食落撈埋啲蛋同豉油真係好正，唯獨係啲飯如果可以軟熟啲就仲正🤣🤏🏻
蔥花滑蛋蝦仁飯
$61
14 浏览
0 赞好
0 留言
西多士($28)
茶記經典，炸得都幾鬆脆，食到有少少陳皮味？🤔平時好少食到陳皮味既西多，幾特別🤫
煉奶花生醬多士($20)
包類愛好者既小編最鍾意叫呢啲多士，夾埋啲花生醬真係可以食夠三四塊都無問題🤪
椰汁紅豆冰/棉花糖朱古力(跟餐+$9）
茶記大家應該最常飲凍檸茶/凍奶茶，今次就試下啲特飲，紅豆冰個椰味好重，同啲紅豆大大粒又煮得好棉😝朱古力就味道似華田，不過加左棉花糖好似食緊甜品咁🤪
價錢：🌕🌕🌕🌗🌑
銅鑼灣黎講食個lunch基本上60蚊走唔甩，呢度價錢正常同份量都夠大，岩曬食肉獸既朋友🤣🫡
交通：🌕🌕🌕🌕🌑
地鐵站一出行5分鐘就到登龍街，位置都幾方便架，唔會話好隔涉，同埋有大大個筋肉人logo唔會見唔到🤣🤣🤣🤣
環境：🌕🌕🌕🌕🌑
環境整體都好闊落，乾淨企理，裝修新潮又光猛，以冰室黎講算係坐得好舒服，同埋冷氣好夠涼，行到熱辣辣入去坐低食野勁爽✋🏻
性價比：🌕🌕🌕🌖🌑
附近番工既朋友仔如果有時唔想食太貴又飽肚，呢度就岩你選擇，除左有一般茶記既野外，都有好多唔同種類既野食，無論女仔定男仔都會搵到岩心水既食物，同埋價錢絕對affordable😝
臨走時咁岩有個人入黎問粥底火鍋幾點有，先知道原來夜晚係有得食海鮮粥底火鍋🤨，睇個Menu都幾吸引，下次有時間都會想試下😍😍😍
张贴
