影片
更多
2019-12-23
132 浏览
元朗不嬲都多好食嘅小店😋只可惜前排popo 成日TG放題，搞到我同男友都少佐去元朗搵食。近排好似平靜番少少，所以今日男友提議去元朗搵好西食😆最後我地揀左呢間主打fusion 西餐菜嘅餐廳。餐廳走文青風路線，室內室外都有啲綠色嘅植物點綴。臨走嘅時候發現原來餐廳室外可以俾寵物🐶係隔離一齊食♥️我地兩個人嗌佐虎蝦串、帶子西瓜沙律、蟹肉意大利飯、羊西冷、焦糖朱古力奶昔。首先，黎個虎蝦串先🦐虎蝦都算大隻，有一隻半手指咁長，肉質爽口。可惜三隻分唔匀，當然我男朋友讓我食第三隻喇😜再黎就係帶子西瓜沙律🥗帶子係用刺身級，冇煮熟晒，入口鮮嫩。西瓜沙律呢個配搭我都係第一次見，估唔到又幾夾啵，鐘意小清新嘅你不妨試下。西瓜底下係啲混合佐黑醋汁嘅沙律菜。然後到呢個冬陰功蟹肉意大利飯喇，帶少少🤏🏻辣。份量唔算好大，不過一個人食都岩岩好。個意大利飯煮得幾好，啖啖入口都非常creamy，飯粒粒軟熟分明。蟹肉配上微辣嘅冬陰功汁十分惹味😋非常推薦大家試下呢個意大利飯👍🏻👍🏻👍🏻✨最後係呢個香茅羊西冷。平時我見西冷牛扒就見得多喇🙈羊西冷我都係第一次見，所以就貪得意叫黎試下。口感不錯喔。♥️冇羊羶味，肉汁豐富而且嫩滑。外表帶少少香
只可惜前排popo 成日TG放題，搞到我同男友都少佐去元朗搵食。
近排好似平靜番少少，所以今日男友提議去元朗搵好西食😆最後我地揀左呢間主打fusion 西餐菜嘅餐廳。
餐廳走文青風路線，室內室外都有啲綠色嘅植物點綴。臨走嘅時候發現原來餐廳室外可以俾寵物🐶係隔離一齊食♥️
我地兩個人嗌佐虎蝦串、帶子西瓜沙律、蟹肉意大利飯、羊西冷、焦糖朱古力奶昔。
首先，黎個虎蝦串先🦐
虎蝦都算大隻，有一隻半手指咁長，肉質爽口。可惜三隻分唔匀，當然我男朋友讓我食第三隻喇😜
再黎就係帶子西瓜沙律🥗
帶子係用刺身級，冇煮熟晒，入口鮮嫩。
西瓜沙律呢個配搭我都係第一次見，估唔到又幾夾啵，鐘意小清新嘅你不妨試下。
西瓜底下係啲混合佐黑醋汁嘅沙律菜。
然後到呢個冬陰功蟹肉意大利飯喇，帶少少🤏🏻辣。
份量唔算好大，不過一個人食都岩岩好。
個意大利飯煮得幾好，啖啖入口都非常creamy，飯粒粒軟熟分明。蟹肉配上微辣嘅冬陰功汁十分惹味😋
非常推薦大家試下呢個意大利飯👍🏻👍🏻👍🏻✨
最後係呢個香茅羊西冷。
平時我見西冷牛扒就見得多喇🙈羊西冷我都係第一次見，所以就貪得意叫黎試下。
口感不錯喔。♥️
冇羊羶味，肉汁豐富而且嫩滑。外表帶少少香茅味，唔洗點汁都好夠味道。
份量都幾多，食到我地兩個都覺得好飽🤭
焦糖朱古力奶昔🥤賣相靚靚，打卡一流。
朱古力味重而且喜歡甜野嘅你一定唔會覺得太甜。
张贴
