El Portal (已結業)

餐廳位於廟街嘅對上, 如果坐正起窗口位,可以啱啱好見到廟街嘅牌匾, 地理位置都幾方便, 由佐敦站行過嚟都係五分鐘,呢間餐廳係新開嘅, 本來唔知道有呢間餐廳, 都係朋友喺附近返工, 所以推薦俾我哋. 一開始以為係食地中海菜, 但係原來餐廳食蠔都幾出名, 餐廳係中修偏向西式風格, 無論係牆或者檯都係偏向深色, 另外比較特別就係餐廳有幾個酒櫃, 顯得格外高尚. 但係價錢又唔係好貴, 六隻蠔都係188, 都算係幾平. 店員介紹, 呢度係有三種唔同嘅蠔, 來自三個唔同產地. 食落去好都幾鮮甜, 餐廳有秘製醬汁可以點, 所以唔使一定要點檸檬, 仲叫咗盆麵包配鵝肝, 估唔到上菜仲配咗一啲牛油, 但係鵝肝份量都好足夠, 所以最後啲牛油都冇咩點樣用到, 鵝肝醬味道鹹香, 配曬啱啱焗起嘅麵包, 真係唔錯