影片
更多
2022-02-25
84 浏览
落雨濕笠笠，所以就隨便入咗一間位於炮台山嘅餐廳醫醫肚🐷餐廳好新淨，光線充足，相信係新開冇耐，定位唔似係一間茶餐廳嘅格局！因為係午餐時段，所以只有lunch menu提供，底面各一頁。選擇係唔算多，但對於我呢啲想快脆醫好個肚嘅人嚟講，少選擇就諗少啲，睇你點諗啦！全日早餐呢個全日早餐都算係圖片同實物相符嘅，擺盤各樣都唔會太有落差😌佢嘅用料好豐富，最驚喜係嗰一大嚿嘅薯蓉，佔咗成1/4隻碟有多！不過味道鹹咗啲，同埋唔夠滑，所以呢度扣咗啲分。不過面頭嘅炒雜菌就好高質，食落口好香牛油味，又唔會太乾，讚👍炒蛋都好唔錯，係我最愛嘅牛乳炒蛋，仲要份量一啲都唔少，放上多士到食好滿足！但對一個女仔嚟講有啲大份，唔應該眼闊肚窄🤣日式藍蟹肉鰻魚炒飯第一個感覺係上菜好快！落咗單五分鐘到個飯就嚟咗😂個飯嘅賣相一啲都唔差，有飛魚子同紫菜做點輟，同日本餐廳嘅炒飯好似，一啲都唔hea，幾啱用嚟打卡用🤣好有趣地飯嘅中間係凹咗入去嘅，因為佢淋咗啲蟹肉落去（起初以為只會係蟹柳絲🙊），食嘅時候撈埋上面嘅蟹肉食就最好！餐廳都算舒服，可以坐下傾下計，不過食嗰日就凍咗啲，食完就快快腳走咗了。下次有機會一定要試埋dinner，睇食評食物
因為係午餐時段，所以只有lunch menu提供，底面各一頁。選擇係唔算多，但對於我呢啲想快脆醫好個肚嘅人嚟講，少選擇就諗少啲，睇你點諗啦！
全日早餐
呢個全日早餐都算係圖片同實物相符嘅，擺盤各樣都唔會太有落差😌佢嘅用料好豐富，最驚喜係嗰一大嚿嘅薯蓉，佔咗成1/4隻碟有多！不過味道鹹咗啲，同埋唔夠滑，所以呢度扣咗啲分。不過面頭嘅炒雜菌就好高質，食落口好香牛油味，又唔會太乾，讚👍炒蛋都好唔錯，係我最愛嘅牛乳炒蛋，仲要份量一啲都唔少，放上多士到食好滿足！但對一個女仔嚟講有啲大份，唔應該眼闊肚窄🤣
日式藍蟹肉鰻魚炒飯
第一個感覺係上菜好快！落咗單五分鐘到個飯就嚟咗😂個飯嘅賣相一啲都唔差，有飛魚子同紫菜做點輟，同日本餐廳嘅炒飯好似，一啲都唔hea，幾啱用嚟打卡用🤣好有趣地飯嘅中間係凹咗入去嘅，因為佢淋咗啲蟹肉落去（起初以為只會係蟹柳絲🙊），食嘅時候撈埋上面嘅蟹肉食就最好！
餐廳都算舒服，可以坐下傾下計，不過食嗰日就凍咗啲，食完就快快腳走咗了。下次有機會一定要試埋dinner，睇食評食物選擇相對哋多啲！
张贴
