Trois Cafe (已結業)

今次我搵到一間特色西餐廳喺灣仔中怡商業大廈，我見好多人推介呢一間餐廳，所以決定去試吓。睇吓係咪真係咁吸引😏入到去即刻叫咗好多人都話好食嘅龍蝦拿破崙同紅酒燉牛配酸種麵包龍蝦拿破崙賣相好精緻，配搭新穎。龍蝦，酥皮同醬汁嘅比例啱啱好，醬汁突顯左龍蝦嘅鮮味，再配埋酥皮一齊食味道真係好夾，口感爽脆彈牙。我覺得呢一個係一個好唔錯嘅菜式評分：⭐️⭐️⭐️⭐️⭐️紅酒燉牛配酸種麵包紅酒同牛肉永遠都係最好嘅拍檔！佢返牛肉煮到好入味，而明顯地食到有紅酒嘅味道。因為有紅酒嘅味道所以牛肉同麵包係意外地夾👍🏻牛肉質地好淋，完全唔覺得靭。拎嚟同麵包一齊食簡直一流🤤評分：⭐️⭐️⭐️⭐️⭐️環境裝修真係冇令我失望，設計真係好特別，顏色配搭好靚，環境俾人感覺好輕鬆，好似去緊旅行嘅感覺。評分：⭐️⭐️⭐️⭐️⭐️服務服務員好有禮貌，會主動推介食物,同有耐性咁解釋。我覺得佢哋非常貼心👍🏻評分：⭐️⭐️⭐️⭐️⭐️