謙記火鍋

营业中

休息中

今次我去咗銅鑼灣的謙記火鍋店，第一次食呢間，入到去嘅時候已經感受到熱鬧嘅氣氛，職員都好熱情，向我介紹咗唔同嘅湯底同埋食物選擇😌我揀咗椰子雞鍋，湯底香濃，椰子味道好突出，湯底已經包咗半隻雞，雞味香濃，真係一流！白鱔切角好有驚喜，平時通常食白鱔片，呢個切割好有咬口，同埋食落都係脆鱔，好新鮮，鍾意食魚嘅朋友一定要試😎仲有我覺得必試嘅手切牛肋骨肉，肉質鮮嫩，口感非常好，油花好靚仔😝另外，我試咗雲吞，小小份量但味道唔錯，雲吞皮薄餡多，全部都係佢哋自己師傅包😋 仲有唐生菜苗，清新脆口，係火鍋嘅好搭配 🥬整體嚟講，謙記火鍋店真係值得一試，無論係食材質素定係服務態度都做得好好，令人有返嚟再食嘅衝動 💖