影片
更多
2021-09-16
116 浏览
去開尖沙咀行街，通常都會去尖沙咀著名嘅食街山林道覓食。見到呢間喺銀座38新開嘅餐廳，主打fusion泰菜，就嚟試吓新嘢。冬陰功三文魚意大利飯 $148三文魚煎得啱啱好，外皮非常香脆，魚肉口感嫩滑；三文魚本身嘅魚油香味突出，簡單嘅調味再點啲希臘乳酪已經好好食。冬陰功risotto嘅色澤好靚，醬汁唔會太辣 ，酸酸辣辣惹味醒胃；飯粒嘅硬度遷就返香港人嘅口味，粒粒分明得嚟又唔會太硬，煙韌又creamy！泰式香茅燒西班牙豬鞍配紅咖喱忌廉汁 $208豬鞍好厚身，肉質鬆軟有彈性，仲留有肉汁，燒得幾好；個紅咖喱忌廉汁甜甜地辣辣地，味道好百搭，相信點咩肉都好食。伴碟嘅配菜除咗有面頭嘅燒菠蘿，仲有墊喺豬鞍下面嘅炒雜菜同薯蓉都好有誠意，雜菜炒得好香，薯蓉好滑好重牛油味馬拉盞炒芥蘭其實本身係炒通菜，不過廚師話當日嘅通菜唔夠靚，就提議我哋轉芥蘭喇～芥蘭都幾新鮮，用馬拉盞嚟炒特別鹹香惹味。泰國芒果糯米飯配是日蛋糕 $108擺盤好靚，三色糯米飯分別係蝶豆花糯米飯、 原味糯米飯同斑蘭糯米飯，賣相吸引。斑蘭糯米飯嘅班蘭味好香好清新，蝶豆花糯米飯同原味糯米飯嘅味道其實差唔同，但視覺效果好好；糯米口感軟軟黏黏，椰香濃郁，夾
冬陰功三文魚意大利飯 $148三文魚煎得啱啱好，外皮非常香脆，魚肉口感嫩滑；三文魚本身嘅魚油香味突出，簡單嘅調味再點啲希臘乳酪已經好好食。
冬陰功risotto嘅色澤好靚，醬汁唔會太辣 ，酸酸辣辣惹味醒胃；飯粒嘅硬度遷就返香港人嘅口味，粒粒分明得嚟又唔會太硬，煙韌又creamy！
泰式香茅燒西班牙豬鞍配紅咖喱忌廉汁 $208豬鞍好厚身，肉質鬆軟有彈性，仲留有肉汁，燒得幾好；個紅咖喱忌廉汁甜甜地辣辣地，味道好百搭，相信點咩肉都好食。
伴碟嘅配菜除咗有面頭嘅燒菠蘿，仲有墊喺豬鞍下面嘅炒雜菜同薯蓉都好有誠意，雜菜炒得好香，薯蓉好滑好重牛油味
馬拉盞炒芥蘭其實本身係炒通菜，不過廚師話當日嘅通菜唔夠靚，就提議我哋轉芥蘭喇～芥蘭都幾新鮮，用馬拉盞嚟炒特別鹹香惹味。
泰國芒果糯米飯配是日蛋糕 $108擺盤好靚，三色糯米飯分別係蝶豆花糯米飯、 原味糯米飯同斑蘭糯米飯，賣相吸引。
斑蘭糯米飯嘅班蘭味好香好清新，蝶豆花糯米飯同原味糯米飯嘅味道其實差唔同，但視覺效果好好；糯米口感軟軟黏黏，椰香濃郁，夾埋新鮮芒果一齊食，滿足～
是日蛋糕係紅桑子蛋糕／朱古力蛋糕，我哋揀咗前者，味道酸酸甜甜，中間仲有啲果蓉，好好味！
Latte朋友點嘅Latte，佢話都唔錯。
青瓜青檸梳打水 $58淡淡嘅青瓜味非常清新，同青檸梳打好夾好fresh
整體嚟講fennel嘅食物無論味道定擺盤都令人滿意，價位合理，加上環境雅致，係情侶、朋友飯聚嘅好選擇。
张贴
