龍鳳號 (已結業)

朋友喺附近番工就黎搵佢食lunch。午市套餐價錢合理，一般都係六十七蚊左右。等咗大約15分鐘就有位都唔算太耐。麻油雞麵 - 本身好鐘意食麻油雞，但呢個就有d失望！個湯底勁淡，冇乜麻油香，而且雞都唔入味，成碗野清到爆。鹽酥排骨配肉操飯 - 排骨炸得唔錯，幾香口，而且都幾大碟。肉操飯不過不失，整體唔錯大腸麵線配虎咬豬刈包 - 通常食台灣野都會叫大腸麵線，呢碗頗有驚喜！湯嘅質地杰度適中，食落唔會一pat pat咁，麵線質地都唔錯，而且味道又唔會太咸。唯一挑剔就係大腸比較少。除咗食物之外，其實飲品款式都算多，不過叫咗杯熱嘅珍珠奶茶，侍應就俾埋支飲筒我，點知杯野係超級熱，所以叫熱飲嘅朋友要留意一下啦！