影片
更多
2021-10-19
75 浏览
今日喺觀塘接朋友放工，佢話近近地食，就話試吓呢間餐廳，問我好唔好，我話緊係好啦，平時咁少嚟觀塘，仲要係觀塘咁入，冇乜事都唔會過嚟啦。上到去，估唔到間餐廳咁靚，超級寬敞，空間大，樓底又高，真係好relax，再望真啲，原來仲有露天area，如果第日放假，仲可以shisha chill一chill。呢度落單係自己Scar QR code，方便快捷。食物選擇唔多，啱曬我呢啲有選擇困難症嘅人啦，haha！每檯都會有麵包提供，味道新穎，其中一款應該係橄欖麵包配上蒜蓉芝士牛油，唔錯。主食揀左牛肉起司漢堡配薯條（$128），台灣風味牛肉千層麵（$148）。薯條新鮮，炸得啱啱好。漢堡包個包上下都搽左沙律醬，所以個包唔太dry，牛肉都有牛味嘅！個千層麵我覺得真係要試下，因為佢真係好有台灣味，好特別，好似食緊台灣牛肉麵咁。甜品都幾多選擇，最吸引我係大大舊tiramisu，我揀咗特別小小嘅抹茶（$55）飲品就揀咗Oat Milk Shake, 期間限定口味柚子芒果乳酪。一定要搵日放假前一晚過嚟chill下先！
就話試吓呢間餐廳，問我好唔好，我話緊係好啦，平時咁少嚟觀塘，仲要係觀塘咁入，冇乜事都唔會過嚟啦。
上到去，估唔到間餐廳咁靚，超級寬敞，空間大，樓底又高，真係好relax，再望真啲，原來仲有露天area，如果第日放假，仲可以shisha chill一chill。
呢度落單係自己Scar QR code，方便快捷。食物選擇唔多，啱曬我呢啲有選擇困難症嘅人啦，haha！
每檯都會有麵包提供，味道新穎，其中一款應該係橄欖麵包配上蒜蓉芝士牛油，唔錯。
主食揀左牛肉起司漢堡配薯條（$128），台灣風味牛肉千層麵（$148）。薯條新鮮，炸得啱啱好。漢堡包個包上下都搽左沙律醬，所以個包唔太dry，牛肉都有牛味嘅！
個千層麵我覺得真係要試下，因為佢真係好有台灣味，好特別，好似食緊台灣牛肉麵咁。
甜品都幾多選擇，最吸引我係大大舊tiramisu，我揀咗特別小小嘅抹茶（$55）
飲品就揀咗Oat Milk Shake, 期間限定口味柚子芒果乳酪。
一定要搵日放假前一晚過嚟chill下先！
张贴
